دكتـــور العيون

(يامؤمن الريفي )انـا جيتـك زبـون
.. جيتك على مدح اكثر الناس وعنيت
جيـت وتعالـى الله عمّـا يشركـون
.. لولاه (يامؤمن) لطبك مـا اهتديـت
راضي بحكم الله علـي مهمـا يكـون
.. عالج عيوني لو بعد طبـك عميـت
ودي اخاشر فالبصـر مـن يبصـرون
.. واشوف دربي لا سرحت ولا ضويت
والى قنصت اثبت مـع اللـي يثبتـون
.. واشوف طيري كل ما اوميت ودعيت
ياااكثر ما يضرب خويـي (الطابلـون)
.. من كثر ما اكلّته مطبـاات وكليـت
وودي اشوف اللـي علـي يعرضـون
.. وبعض الليالي ودي اسري دون ليت
وااشوف ناس ٍ فالقفـا مـا يرحمـون
.. اما وقفـت لصاحبـي والا مشيـت
مـن دون نظـاره ولا هـم يحزنـون
.. يااا كثر ما كسّرت كشمات وشريـت
لكنٌ يـا دكتـور جعلـك مـا تهـون
.. ابغيك كلمت راس دامك مـا بديـت
اسمع ولا ابغي اللي وزانك يسمعـون
.. ربي كتب يكشف لك اسراري وجيت
صورة عديل الروح عنـدك فالعيـون
.. واخاف تقطعها بموسك ما وعيـت
ولا عليك امر..اطوها تحـت الجفـون
.. وعقبه لو تقطع عيوني ما شكيـت
هي راس مالي والعرب مـا يدركـون
.. اني على باب الممات و ما حكيـت
ياقـو قلبـي يـوم قفـن الضـعـون
.. اللي على ذاك الموادع مـا بكيـت
ويا صبر صبري والعـواذل يحسبـون
.. اني دلهت من الهـوى والا سليـت
اسكت عساهم من سكاتـي يسكتـون
.. وانا عن اللي في ضميري ما انتهيت
وادور الفرحـه مـع اللـي يسهـرون
.. وان ذكروني خذت فنجال وسريـت
اخذت من وقتك يـا دكتـور العيـون
.. عالج عيوني لو بعد طبـك عميـت
واستر علي واللي معـك لا يفطنـون
.. انت الوحيد اللي بعد ربـي دريـت

مشكوووووووور